ნოსოკომეფობია და იატროფობია ანუ ექიმის და საავადმყოფოს შიში

ჩემი ყველა ბავშობის თუ დიდობის შიში – ავადმყოფობას უკავშირდება. ყოველთვის მეშინოდა ისე არ გავმხდარიყავი ავად რომ ექიმი დამიჭირვებოდა. ვერასდროს ვერ ვიტანდი მათ – ვერც ბავშობაში ათასგვარი დებილური რაღაცეებით რომ მართობდნენ და მატყუებდნენ და მერე ნემსს მჩხვლეტდნენ და ვერც ახლა მაქვს მაინცდამაინც კარგი შეგრძნებები საავადმყოფოს სუნზე და თეთრ ხალათზე.
საბედნიეროდ აქამდე – არ მიწევდა ხშირად ამ სფეროსთან შეხება, თუ არ ჩავთვლით რამდენიმე ბრმანაწლავის ან ნაღვლის შეტევას , რომლებიც ექიმის ხსენებისთანავე მივლიდა.
კიდევ იყო ერთი შეხების მცდელობა რომელიც უშედეგოდ დამთავრდა. გლანდები მაწუხებს და რამდენიმე წლის წინ მივედი ექიმთან, უფროსწორად მივდიოდი ჩემს მეგობართან ერთად და ბრახ და გული წამივიდა ავტობუსში. წარმოიდგინეთ სცენა – ძველიძველი ყვითელი ავტობუსი, გაჭედილი ხალხით – ვდგავართ ფეხზე და ეს ჩემი მეგობარი მიყვება თავის გლანდების ოპერაციაზე (მაშინ როცა მეც გლანდებზე მივდივარ), ვგრძნობ ნელნელა როგორ მიბნელდება თვალთ და მერე აღარ მახსოვს :) თუმცაღა ექიმთან მაინც მივაღწიეთ და მანაც რათქმაუნდა მითხრა რომ ამოსაჭრელი მაქვს – მაგრამ ჯერჯერობით ისევ თავის ადგილას არიან :)

აღარ მინდა 2 წლის წინ მომხდარი უბედურ შემთხვის გახსენება , ამაზე ჯობს აქ წაიკითხოთ. მაშინ შთაბეჭდილება დამეკარგა უკვე მთელ მსოფლიოს ექიმებზე – ასე ცუდად თავი მგონი არასდროს არ მიგვრძვნია .

ამ ყველაფრით რისი თქმა მინდოდა ახლა მე– ძაან მინდა გამოკვლევებზე წასვლა და საერთოდ ჯანმრთელობის მდგომარეობის შემოწმება, მაგრამ ვერაფრიოთ ვერ ვადგავ საშველს. ახლა დაზღვევაც მქონდა და ეგ შანსიც არ გამოვიყენე . რა მეშველება არ ვიცი – რაც უფრო ვერ მივდივარ ექიმთან მით უფრო მემატება შიში რომ რაღაც მჭირს და რომ გამოვეკვლიო რამე საშინელება აღმოჩნდება . ანუ რაც მძაფრია სურვილი და ინტერესი მით მძაფრია შიში და ვერაფრით ვერ ვაიძულებ თავს გადავლახო ეს ყველაფერი.

აი ახლაც როცა ამას ვწერ "რაღაც" მაწუხებს (არ დავკონკრეტდები) და მეშინია რამე არ დამემართოს სერიოზული. მახსენდება ისტორიები ადამიანებზე , რომლებიც დროზე არ მივიდნენ ექიმთან და ამიტომაც მოუვიდათ რაღაც საშინელება. მაგრამ თან ისეთი რაღაცეებიც მახსედება ექიმის მიზეზით რომ დაემართათ რაღაცეები და ასე ორ ცეცხლსშუა ვგრძნობ თავს .
მინდა გამიქრეს ეს შიში და მივხედო საკუთარ ჯანმრთელობას : (



მოკლედ საკუთარ ტავს ისევ მე უნდა ვუსფიქოლოგო– ჰოდა ვიწყებ სტატიების კითხვას და იმედია რამე შედეგამდე მიმიყვანს:
პირველი რაც ქართულ ნეტში შემომხვდა ესაა
ექიმი მტერი არ არის
წავედი წავიკითხო :)