Coraline და ჩემი აღიარება :)

ამასწინათ ვნახე კუდას პოსტი "ფრთხილად იყავი შენს ოცნებებშიო”- შემდეგ ამ მულტფილმზე მოვისმინე ჩემი მეგობრის აღფრთოვანებული აზრი და ვუყურე კიდეც.ამ ყველაფერმა კი – 3 წლის წინ მომხდარი ამბავი გამახსენა და მინდა ახლა ვაღიარო– პირველად.

წიგნი მოვიპარე :უსერ:

თვითგვემას არ მოვყვები და ვერც იმას ვიტყვი რომ ვნანობთქო , რადგან ასე მოხდა – შემთხვევით და მეც ეს შემთხვევა ხელიდან არ გავუშვი :))

მოკლედ შევედი ბიბლიოთეკაში და დიდხანს ვეძებე რამე სასურველი წიგნი – მინდოდა რამე გასაოცარი და ვიპოვე კიდეც– კორალინე.

პირველი რამაც ყურადღება მიიპყრო ილუსტრაციები იყო (თითქმის ისეთივე როგორც ანიმაციაშია), მეორე შთაბეჭდილება მოკლე რევიუმ მოახდინა უკანა ყდაზე , მესამე და ყველაზე მნიშვნელოვანი ის გახლდათ რომ ნორვეგიული თარგმანი იყო. მოკლედ ავიღე წიგნი და წავიღე – ნელ–ნელა ვფიქრობდი წაკითხვას, მაგრამ ნორვეგიაში ყოფნის პერიოდში მხოლოდ პირველი ფურცელის გადაკითხვა მოვასწარი. გადიოდა დრო ისე რომ უჯრაში ჩადებული "კორალინე"– არც კი გამხსენებია.
ბარგის ჩალაგების დრო რომ დადგა – გადამოვაქოთე ყველა უჯრა და ათასგვარი საბუთების და სხვა უაზრო ფურცლების ქვეშ ამ საოცარილუსტაციანმა წიგნმა გამოანათა.


2 წუთი ვფიქრობდი რა მექნა– ძალიან მენანებოდა წიგნი უკან მისაბრუნებლად, იმასაც ვფიქრობდი რომ უსინდისო საქციელი იქნებოდა , რომ ასე არ შეიძლება და ბლაბლა, მაგრამ
უცბად გამახსენდა –

ჩემმა დამ და მისმა მეგობარმა ბავშობაში როგორ გაძარცვეს რაჭის ერთ–ერთი სოფლის ბიბლიოთეკა, როგორი ავი ბიბლიოთეკარი ყავდათ და როგორ არ ათხოვებდა წიგნებს არავის. უკუნით ღამეში როგორ გადაიპარნენ ფანჯრიდან , როგორ ამოარჩიეს სასურველი წიგნები და მერე მთელი წელი როგორ კითხულობდნენ და განიხილავდნენ მათ. ისიც გამახსენდა როგორ მშურდა მათი რომ მე არ მქონდა მსგავსი გაკეთებული და მიხვდით ალბათ რაც ვქენი. წიგნი ავიღე და წიგნი ჩემოდანში ჩავაბარგე :D



აი ასე გავხდი წიგნის ქურდი.
ჩემი პირველი და არ ვიცი რამდენად უკანასკნელი ნაქურდალი წიგნი სწორედ "Coraline" აღმოჩნდა.
მინდა აქვე აღვნიშნო რომ წიგნის წაკითხვის შემდეგ – სინდისის ქენჯნაც საბოლოოდ გამიქრა :)

ესეც ჩემი აღიარება.



საუნდთრექს