ფოტორეპორტაჟი და რჩევები– ბეშუმი

როგორც წასვლამდე დავწერე – წლევანდელი შვებულების დასაწყისის გატარება მთიან აჭარაში გადავწყვიტეთ. საერთო სამეგობრო კრებამ– ბეშუმი აირჩია – მთის კურორტი 2000მეტრზე – ორი ოთახი ხის კოტეჯში–სამჯერადი კვება. ეს ვიცოდით მხოლოდ , როცა ბეშუმისკენ გზას გავუდექით. 4საათიანი მგზავრობის შემდეგ(ბათუმის სადგურიდან) – და რამდენიმე სოფელის და მთიანი მონაკვეთების გავლის შემდეგ ისიც გამოჩნდა.

პირველი შთაბეჭდილება – დასახლების მასშტაბებმა მოახდინეს– ამხელა სოფელს თუ კურორტს ნამდვილად არ მოველოდი. მეორე და უფრო მნიშვნელოვანი ის გახლდათ რომ ყველა სახლი ერთ სტილშია აშენებული – ეს კი განსაკუთრებ ლამაზ ელფერს აძლევს კურორტს.




ეს ბეშუმური ეშმაკის ბორბალია :)

სიმართლე ითქვას საკუთარი სახლი დიდად არ მოგვეწონა – თანაც ისეთ ადგილას იდგა რომ მზე საერთოდ არ ადგებოდა. ეს უკანასკნელი კი საკმაოდ მნიშვნელოვანი ფაქტორი აღმოჩნდა – რადგან იქ ყოფნისას წამი არ მახსოვს ისეთი რომ არ შემციებოდა. ღამე ყინავდა – სამ–სამი ადიელა გვეფარა , მაგრამ მაინც გაყინულები ვიღვიზებდით. დღისით კი თუ მზე იყო ცოტას გაითბობვდა კაცი ძვლებს თუ მზე არ ჩანდა კი ისევ ისე ციოდა როგორც ღამით.

ბეშუმში– ყველა სახის მნიშვნელოვანი ობიექტი აღმოვაჩინეთ – აფთიაქი, ბაზრობა,სუპერმარკეტი,ლუდის ბარი – თქვენ წარმოიდგინეთ ქსელური თამაშებიც კი იყო :) მოკლედ ჩემი მოლოდინი , რომ რაც შეიძლება ნაკლები ცივილიზახციური ელემენტი იქნებოდა არ გამართლდა.

კიდევ ერთი მნიშვნელოვანი ფაქტორი– ის 3დღე რაც იქ დავყავით – კვებით კმაყოფილები ვერ დავრჩით , სამწუხაროდ :(

რაც შეეხება ბუნებას – ხედავთ ალბათ რომ ძალიან ლამაზია იქაურობა. ქათქათა თეთრი ღრუბლები მწვანე მდელოები, მაღალი ხეები და ხისფერი სახლები ზალიან უხდებოდა ერთმანეთს. ჰაერი კი სავსე – სულ რომ ღრმად ჩასუნთქვა გინდება ისეთი.

მოკლედ მინდა რამდენიმე რჩევა მივცე მას ვინც გადაწყვეტს ამ კურორტის მონახულებას დასვენების მიზნით.
კვება

• არ ღირს მთაში სხვისი კვების იმედზე ყოფნა– ჯერ ეს ერთიც ჩვეულებრივზე მეტად გშივდება, მეორეც საქმე დიდი არაფერია და ჯგუფური საჭმლის კეთებამაც შეიძლება გაგახალისოთ, მესამეც იქვე ისეთი მადისაღმძვრელი ხორცის ნაჭრები და ათასგვარი პროდუქტი იყიდება რომ წყალწყალა სუფის ჭამა –შეურაცჰმყოფელია :) ბოლოსდაბოლოს სადმე ბარში შეხვალ და აჭარულ ლუდთან ერთად რამე იქაურ საჭმელს –მაგა;ლითად ერბოში შემწვარ ყველს დააგემოვნებ.

ტრანსპორტი

• უმჯობესი იქნება საკუთარი სატრანსპორტი საშუალებით წასვლა . იქვე შორიახლოს მოსანახულებელია რამდენიმე საინტერესო ადგილი – მაგალითად მწვანე ტბა ( სადაც წასვლა 60 ლარი დაგვიფასეს). მოკლედ რათქმაუნდა ბევრად კომფორტულად იგრძნობთ თავს საკუთარი მანქანით.

ტანსაცმელი

• აუცილებელია ბევრი თბილი ტანსაცმელი– ასევე ბოტები ან მსგავსი წყალგამძლე ფეხსაცმელი , საწვიმარი.

საცხოვრებელი ადგილი

• უმჯობესია ხის ახლადასენებული კოტეჯი . ძველებში ცივა და არც პირობებია ნორმალური.

თუ როდესმე კიდევ გადავწყვეტ ბეშუმში წასვლას – აუცილებლად გავითვალისწინებ ამ ფაქტორებს. სამწუხაროდ წელს მხოლოდ სამი დღე შევძელით იქ დასვენება – პირობების, სიცივის და კვების გამო– მალევე გამოვიქეცით :)