რომანტიზმი

ამ პოსტში მინდა რომანტიკაზე ვისაუბრო.

რა არის საერთოდ რომანტიზმის გაგება- ის რომ საჩუქრებს უკეთებდე საყვარელ ადამიანს, სიურპრიზებს უწყობდე, რომანტიკულ საღამოებზე პატიჟებდე , ტკბილ სიტყვებს ეუბნებოდე, ლექსებს უწერდე, სიმღერებს უძღვნიდე?

მე არ ვიცი რამდენად რომანტიკული ადამიანი ვარ- ზედმეტი მგრძნობიარობა - ჩემიც და სხვისიც მაღიზიანებს (ამას აქვს რომანტიზმთან კავშირი?)

ამბობენ რომ კაცები ნაკლებად რომანტიკოსები არიანო - როგორ ფიქრობთ მართალია?
თვითონ კაცებსაც უყვართ ამის ხაზგასმა - თქვენ ქალებს რომანტიული რაღაცეები გიყვართ - ჩვენ უფრო პრაქტიკულად გვაქვს ტვინი მოწყობილი და არ დავფრინავთო - მსმენია ასეთი ფრაზები ქართველი მამრებისგან :)

არ ვიცი, ქართველ კაცს ხომ არ აქვს ისეთი ბუნება რომ არ უნდათ რომანტიკული ხასიათის გამომჟღავნება , თუნდაც იმიტომ რომ ეს სისუსტეში ჩაეთვლებათ?

ისე რა რომანტიულობა სჭირდება იმას რომ თუ გიყვარს - ამას საქციელებით,სიტყვებით -გამოხატავდე? როცა გიყვას და ფიქრობ მასზე- და გინდა რომ მას ესიამოვნოს - რატომ არის ძნელი ამის - გარეგნულად გამოხატვა. ძირითადას ამ გამოხატულების მოთხოვნილება აქვთ ქალებს და კაცებისთვის რატომ არის ეს ასე ძნელი და რატომ ეფარებიან ამ სიტყვას- "მე არ ვარ რომანტიული ადამიანი?!"

რატომ უნდა იცხოვროს ადამიანმა რომატიული მომენტების გარეშე- როცა ასე სასიამოვნო "ამავსებელია" და ესოდენ მარტივია ეს ყველაფერი?