ოპერაცია და ჩემი ანდერძი

პირველად ვარ ამ ყველაფრის წინაშე

გარდა იმისა რომ მეშინია - უცნაურადაც ვგრძნობ თავს, არ ვიცი როგორ აღვწერო ეს შეგრძნება - თითქოს ყველაფერი სულერთია, თითქოს ”ტკივილი” უკეთესიც კია , თითქოს ამაზეა დამოკიდებული ჩემი მომავალი ბედი და ა.შ.
თქვენ შეიძლება პათეტიკურად და უაზროდ მოგეჩვენოთ ჩემი ნაწერი, მაგრამ ვინ რა იცის რა ხდება (ამ გულში?! ) :)

მოკლედ ასე- ხვალ ამ დროს აღარ მექნება - ჩემი ამდენხანს მაწამებელი ორად-ორი და განუმეორებელი გლანდები. დიდხანს ვიკავებდი თავს ამ ოპერაციის გაკეთებისგან - მაგრამ არაფრით არ გამოვიდა - ბოლო ხანს სახსრების ტკივილმაც შემაწუხა და ეგ კიარადა გულზეც დავიწყე ჩივილები . მოკლედ ასე იყო თუ ისე - ეს ამბავი გადაწყდა.


ჩემი შიშები სისხლზე, საავადმყოფოზე,ექიმებზე,ნემსზე და ა.შ. - უკვე გაგაცანით - ამიტომ მსგავსი თემებით აღარ შეგაწყენთ თავს. უბრალოდ მინდა რომ ამ ყველაფერზე არ ვიფიქრო და ძალიან მშვიდად და წყნარად ჩაიაროს ყველაფერმა.

 იმის თქმა დამავიწყდა რომ ნარკოზით ვიკეთებ- დავიღალე ათასი აზრების მოსმენით რომ ნარკოზი ცუდია, ნარკოზი აშტერებს, ნარკოზი იმას შვება ამას შვება, ნარკოზიდან ვეღარ გამოდიან და ა.შ. დამიჯერეთ ხალხნო უნარკოზოდ ჩემთვის ასმაგად უფრო საშინელება იქნება ეს ყველაფერი.

ახლა რაც შეეხება იმას რომ არსებობს ნარკოზიდან ვერ გამოსვლის მცირედი შანსი- რას ვიზამთ- ყველაფერი ხდება :)

ვერ გეტყვით რომ გული ცუდს მიგრძნობს , მაგრამ ყველაფერი უნდა გაითვალისწინოს ადამიანმა - ჰოდა მაინც მინდოდა ერთხელაც ამ თემაზე საუბარი და ბარემ აქვე ვიტყვი 1-2 სიტყვით

ჩემი ანდერძი : )

• ე.ი. პირველ რიგში რაც მინდა ეს არის რომ მაქს. სამ დღეში მოხდეს ყველაფერი ( ერთი კვირა სახლში დაყუდებებს და გლოვა-ვაებას არ ვართ :D )
• მეორე - არ მიყვარს იმდენი უაზრო ქაღალდში თუ ცელოფნებში გახვეული ათასგვარი ყვავილები მითუმეტეს ”ვენოკი” - თუ მაინცდამაინც ხალხის აზრის შეგეშინდებათ- დატოვეთ სამი ლამაზი თაიგული (სასურველია მინდვრის - უფრო რომანტიკულია )
• მესამე- ჩართეთ ქართული საგალობლები , აწყნარებს , ამშვიდებს .ქართული ფოლკლორიც, კიდევ სიმღერა - ”ჩვენ რას წავიღებთ ამ ქვეყნად -სხვას არა წაუღია რა” (ბობ დილანსაც მოვითხოვდი , მაგრამ უბრალოდ არ მინდა ჩემები უხერხულ მდგომარეობაში ჩავაყენო)
  
• მეოთხე- ხმამაღალ მოთქმებს -არ ვართ!!!
• მეხუთე - ქელეხი იყოს , წინააღმდეგი არ ვარ . ცოტას მოულხენს ხალხი და დაივიწყებს ჭირ-ვარამს. სასურველია თუ სადმე მინდორში იქნება (მაგალითად ნაკვეთში) კიდე სასურველია ვინმე თუ დაუკრავს , ნუ ტაშ-ფანდურებს ნუ გამართავთ , მაგრამ სიმღერა და გიტარაზე დაკვრა გამიხარდება :)
  

ჰო, მოკლედ ეს მთავარი დებულებებია რაც მინდა გაითვალისწინონ. დანარჩენებს რაც შეეხება - ნივთების ჩატანებებს და რაღაც დებილობებს -იმედია ეგეთები აღარ ხდება (?)
კიდე რა ვიცი ახლა იმეებს არ დავიბარებ- რომელი ნივთი ვის რჩება და ა.შ. ვისაც უნდა დარჩეს :D ახლა მაგათი გადანაწილება ნამდვილად მეზარება.
უი არ დამავიწყდეს 450 ლარი მრჩება ვალი ! :D

 ბოლო სიტყვა :

ასე იქნება თუ ისე იქნება მინდა გითხრათ რომ ყველას დიდი მადლობა ვინც მგულშემატკივრობთ და კეთილ სურვილებს მიგზავნით ხოლმე : )
ვისაც გაინტერესებთ, ვისაც გადარდებთ ჩემი ბედი, ვისაც გჭირდებით და ვისთვისაც სულერთი არ ვარ :) ( ღმერთ ჩემო რა პათეტიკურად  ჟღერს )
მეც მიყვარხართ!