Monday, November 30, 2009

მე-100 საიუბილეო პოსტი

გადავწყვიტე  მე-100 საიუბილეო პოსტი- ჩემს ბლოგს მივუძღვნა.


შექმნის ისტორია
ყველაფერი 2005 წლის 3 დეკემბრიდან დაიწყო - პირველი პოსტი-”უბრალოდ” იყო.
მაშინ ჯერ კიდევ არ ვიცოდი - რას ვაკეთებდი და რისთვის. საიტის გაკეთება -სიახლე და საინტერესო გასართობი იყო ჩემთვის.

ბლოგის მიტოვება
2006 წლიდან ჩემს ბლოგს -სიცარიელის ხანდა დაუდგა. რამდენიმე პოსტი გამოვაქვეყნე და შემდეგ ისევ წავშალე. არ მინდოდა ჩემი -პირადი ჩანახატები ვინმესთვის ხელმისაწვდომი გამხდარიყო. შემდეგი 2 წელიც სამწუხაროდ ჩემს ბლოგს გამოყენება ვერ მოვუძებნე - ახლა ძალიან ვნანობ, რადგან ამ წლებში ბევრი საბლოგერო მასალა მქონდა- მოგზაურობები, ლაშქრობები, სიახლეები, გრძნობები და ა.შ.

ბლოგის ხელახლა დაბადება
პირველი პოსტიდან თითქმის სამი წლის თავზე- ბლოგს შავი ფერი შევუცვალე , ახალი თემა დავაყენე და ისევ გამოვიტანე დღის სინათლეზე.
სიმართლე გითხრათ თავიდან ეჭვის თვალით ვუყურებდი ამ ამბავს- მეგონა რომ პირადი ბლოგის ქონა- მხოლოდ პირად ცხოვრებაზე და განცდებზე  წერას გულისხმობდა და რადგანაც მე საკმაოდ ჩაკეტილი ადამიანი გახლავართ ამ მხრივ- ვფიქრობდი რომ არაფერი გამოვიდოდა.  შემდეგ ნელ-ნელა მივხვდი -რომ ყველაფერი გაცილებით მარტივი იყო- ვიდრე მე მეგონა. შემეძლო იმაზე მეწერა- რაც მიყვარდა, მახალისებდა, მადარდებდა, მაფიქრებდა, მაწუხებდა და შევუდექი კიდეც აქტიურ ბლოგერობას 2009 წლის პირველი პოსტით - მოკლედ.

დღეს
რამდენიმე თვე ძიების შემდეგ - 2009 წლის მეორე ნახევარი საკამაოდ მრავალპოსტიანი და აქტიური აღმოჩნდა ჩემი ბლოგისთვის.
დღეს უკვე ვიცი რაზე მინდა წერა და რა იქნება ჩემი ბლოგის მთავარი თემები.
ეს გახლავთ - ცხოვრება, ხელოვნება, ფოტოგრაფია, კინემატოგრაფია, სხვადასხვა საჭირბოროტო და აqტუალური თემები და ა.შ. უფრო მოკლედ თუ ვიტყვით - ყველაფერი რაც მე მაინტერესებს -მინდა ისე დაგანახოთ- რომ თქვენც დაგაინტერესოთ, ყველაფერი რაც მე მიყვარს, ყველაფერი რაც მე მაწუხებს - მინდა გაგიზიაროთ- ისე უბრალოდ.

ამბიცია
სიმართლე გითხრათ დიდი ამბიციები არ მაქვს, ეს ალბათ ცუდია. ამბიციური ადამიანი უფრო ბევრს აღწევს ცხოვრებაში. მოკლედ არ მაქვს ილუზია , რომ ჩემი ბლოგით ვინმეს ცხოვრებას შევცვლი უკეთესობისკენ. უბრალოდ -გავცვალოთ აზრები,ვისაუბროთ,ვიმუსააფოთ- თუ რამე საინტერესოს და თქვენთვის მნიშვნელოვანს და სასარგებლოს გაიგებთ ჩემი ბლოგიდან- მესიამოვნება . :)


სტატისტიკა
თავდაპირველად სტატისტიკას ყურადღებას არ ვაქცევდი, ჰაჰა 30 კაცამდე თუ შემოვიდოდა დღეში, მაგრამ ბოლო ხანს დავაკვირდი და 100 კაცამდეც ადის ხოლმე ტოპ.გე-ს მთვლელი. ამასწინათ სასიამოვნოდ გავოცცდი როცა დავინახე რომ ბლოგზე ერთდროულად 11 ადამიანი იყო შემოსული. ეს შეიძლება დიდი რიცხვი არაა სხვა ბლოგებთან შედარებით(?), მაგრამ მაინც გასაკვირი იყო.


 სამომავლოდ
აქამდე საკმაოდ გადატვირთული გრაფიკი მქონდა და ზოგჯერ სულ არ მცხელოდა ბლოგისთვის, ახლა ნელნელა გამომითავისუფლდა დრო და იმედი მაქვს ეს ბლოგსაც შეეტყობა. გეგმაში მაქვს საინტერესო რუბრიკების გაკეთება: პატარ პატარა ვიდეოჩანახატების და ვიდეოპსტების დადება, ფოტორეპორთაჟების მომზადება და ა.შ. იმედი მაქვს რომ ყველაფერი უკეთესობისკენ მიემართება.










წარმატებები ყველას !!!

4 comments:

kate_alukard said...

ვააააა გილოცავ გილოცავ გ ი ლ ო ც ა ვ!
ამას წინათ მე მეორასე (200) პოსტი ვიზეიმე =)))) ნამდვილად რომ აღსანიშნავი თარიღია =)))) ეს ერთი და სხვა მრავალიო როგორც იტყვიან კოლეგა =)))))) აბა წარმატებებს გისურვებ ზურგის ქარს და პოსტიან წელს =)))))

♥ The Dream Teller ♥ said...

მმ

გილოცავ : ))

მრავალს დაესწროს შენი ბლოგი : D

უბრალოდ said...

გაიხარეთ მეგობრებო! მადლობა!!!
კეთილ სურვილებს მეც გამოვუგზავნი თქვენს ბლოგებს :)

Natalia said...

ბევრ 100 პოსტს გისურვებ კიდევ :)

ჩემი შემდეგი პოსტი იქნება მე-100 და არვიცი რაზე ვწერო, მოსაფიქრებელი მაქვს :))