შემაჯამებელი პოსტი 2009

მინდა აღვნიშნო რომ 2009 წელი საკმაოდ მსუყე და დატვირთული აღმოჩნდა , როგორც დადებითი ამბებით და ემოციებით, ისე რთული პერიოდებით და სიძნელეებით. ვფიქრობ ეს წელი გარკვეულწილად გარდამავალი ეტაპიც იყო ”ბავშობიდან - დიდობისკენ” არამხოლოდ ჩემთვის, არამედ ჩემი სამეგობრო-საახლობლოსთვის.

 სამსახური - მთელი 2009 წლის მანძილზე - საშინელ ადგილას და საშინელი გრაფიკით მომიწია მუშაობა. მუდმივად გაძლებაზე ვიყავი, დათრგუნული და მუდმივად არ მქონდა დრო იმისთვის , რისი გაკეთებაც ძალიან მინდოდა. ვცდილობდი ბლოგზე ბევრი არ მეწუწუნა სამსახურზე და ჩემს უბედურებაზე, ვწერდი მხოლოდ იმას , როგორ სამსახურზეც ვოცნებობდი My Ideal Job.

წლის ბოლოს, ზუსტად ერთი წლის თავზე წამოვედი სამსახურიდან - ახალ სამსახურში, რომელიც ჯერჯერობით ძალიან მომწონს. ჯერ 1 თვის დაწყებულიც არ მაქვს და არ მინდა ნაადრევი დასკვნების გამოტანა, მაგრამ ჩემს საოცნებო სამსახურთან ძალიან ახლოსაა :)

ოპერაცია

თქვენ შეიძლება არაფრად ჩათვალოთ გლანდების ოპერაცია, მაგრამ დამერწმუნეთ ჩემთვის ძალიან სერიოზული და გაბედული ნაბიჯი იყო. ბოლო 10 წელია მგონი , რაც ამ ოპერაციაზე იყო საუბარი, მაგრამ ხან ჩემი შიშით, ხან სხვა ფაქტორების გამო -მუდმივად იდებოდა. წელს კი საკუთარი ფეხით- სრულიად მარტო მივედი ექიმთან, ჩავიტარე ყველა გამოკვლევა და დავანიშნინე ოპერაციის თარიღი. ძალიან გამიჭირდა (ამაზე მეტყველებს ჩემი პოსტებიც: მარტოობაში ნაპოვნი სიძლიერე და სისხლის ანალიზი, ოპერაცია და ჩემი ანდერძი, ნუგეშისმცემელნოოო) მაგრამ მიხარია , რომ გავბედე და დავისვენე.

ქორწინების წელი

მგონი ასეთი წელი აღარ იქნება და არც არასდროს ყოფილა - სათვალავი ამერია იმდენ ქორწილში ვიყავი( ქორწინებამანია I, ქორწინებამანია II, ქორწინებამანია III ). ვინმე თუ ჩემს ირგვლივ შეყვარებულის სტატუსით იყო - ცოლ-ქმარი გახდა. ეს გარკვეულწილად სახალისოც იყო, რადგან აქამდე ახლომეგობრები არ დამიქორწინებია, მაგრამ ამავე დროს რთულიც და მტკივნეულიც. ჩემი აზრით ამ ქორწინებებმა რატომღაც დამაბერა კიდეც და მაიძულა საკუთარი თავისთვის დიდივით ყურება :(( 

მნიშვნელოვანი შენაძენი

შევიძინე ციფრული ფოტოაპარატი, რომელზეც დიდხანს ვოცნებობდი. უფროსწორად კონკრეტულად ამ ფოტოაპარატზე ოცნებასაც ვერ ვბედავდი იმდენად შორეული პერსპექტივა იყო, მაგრამ კეთილი ადამიანების დახმარებით - NIKON D90 ჩემია :))

სამსახურეობრივი გრაფიკის გადამკიდე , ვერ მოვახერხე კამერასთან ნორმალური ურთიერთობა მაგრამ ახლა იმედი მაქვს გაცილებით მეტი დრო მექნება, მითუმეტეს როცა უკვე ფოტომასტერკლასებზეც დავდივარ ( ჩემი ფოტომასტერკლასი, ჩემი მაკროები,  ფოტოგადაღება: წყალი და პეპსი ).

ფიზიკური სიჯანსაღე

წლის დასაწყისში ინტენსიურად ვვარჯიშობდი (ცეკვა კვირაში 3ჯერ) , თუმცაღა შემდეგ ისევდაისევ სამსახურის გამო მომიწია თავის დანებება, მიხარია რომ ახლა ისევ შევძელი გაგრძელება(ქართული ცეკვის მოყვარული მე). მქონდა ასევე რამდენიმე მცდელობა ცურვის სწავლის და ძალიან კარგადაც გამომდიოდა- შევეჩვიე წყალს და მგონი დავძლიე კიდეც შიში, იმედი მაქვს მომავალ წელს უკვე კარგი მოცურავე ვიქნები :)

მოგზაურობა

სამწუხაროდ წელს ბევრი არ მიმოგზაურია, რათქმაუნდა დროის უქონლობის გამო. თუმცაღა მქონდა რამდენიმე შთამბეჭდავი გასვლა: ფოტორეპორტაჟი და რჩევები :ბეშუმი, მუცო და ჩვენ, შატილობა, შემოდგომის ბირთვისი, ნორვეგიულ-ისლანდიურ-ქართული ტური ვარძიაში ;



ბლოგი

ძალიან მიხარია რომ 2009 წელი ნაყოფიერი აღმოჩნდა ჩემი ბლოგისთვის. პირველრიგში მივხვდი , რომ მშვენიერია ბლოგის ქონა , თუნდაც იმიტომ რომ ჩაინიშნო საკუთარი ცხოვრების ბევრი მნიშვნელოვანი მომენტი თუ დადებითი განცდა. მიხარია რომ აღვადგინე ბლოგი და რომ მსიამოვნებს ეს საქმიანობა. დაწვრილებით ჩემი ბლოგის ისტორიის და ჩემი დამოკიდებულების შესახებ გაეცანით - მე-100 საიუბილეო პოსტს.

მგონი ეს იყო ყველაზე მნიშვნელოვანი ფაქტები 2009 წლის მანძილზე - დანარჩენი უკვე 2010 წელში, ვნახოთ - მე იმედი მაქვს უკეთესი მომავლის :)

ყველას წარმატებულ , ბედნიერ და ხალისიან წელს გისურვებთ !!!