ქართული ცეკვის მოყვარული მე

ბავშობიდან გატაცებული ვიყავი ცეკვით ,თუმცაღა ისე შორიდან ჩემთვის. ვერ გეტყვით რომ განსაკუთრებით ქართული ცეკვისკენ მქონდა მიდრეკილება, პირიქით ლათინოამერიკული და თანამედროვე ცეკვები უფრო იყო ჩემი გატაცების სფერო.
მაშინ შორეულ ბავშობაში ვეხვეწებოდი ჩემებს ცეკვაზე შევეყვანე, რადგან მშობლებს უკვე აღარ ეცალათ ჩემთვის ეს მისია ჩემმა დამ აიღო თავის თავზე (5წლით ჩემზე უფროსია) და პირველ კლასში ახლადჩამოყალიბებულ ცეკვის ანსამბლში მიმიღეს დიდი კონკურსების და სმენის შემოწმებების გავლის შემდეგ. არ ვიცი რა მიზეზის გამო, მაგრამ 3 გაკვეთილის მერე დაიშალა წრე და დავრჩი ხახამშრალი...
შემდეგ კიდევ მქონდა მცდელობა ცეკვაზე სიარულის, მაგრამ ეს ქართულ ცეკვას არ ეხება და სხვა დროს მოგიყვებით :)

მოკლედ მთელი ამ ხნის მანძილზე მეგონა რომ ცეკვაზე რომ შევეყვანე ვინმეს - კარგი მოცეკვავე დადგებოდა ჩემგან, ჰოდა ამ მოტივაციით და კიდე იმით რომ ვარჯიში სჭირდება სხეულს და სიხალისე კიდე მე - დავიწყე ქართულ ცეკვაზე სიარული. სამსახურის გამო ხშირად მომიწია თავის დანებება და გაცდენა , მაგრამ მაინც არ ვეშვები.

სიმართლე გითხრათ არც ისე ადვილი ყოფილა როგორც მე მეგონა და საკმაოდ დიდი ფიზიკური მომზადება სჭირდება ქართული ცეკვების ილეთებს : საჭიროა ფეხის სისწრაფე, მოქნილობა, სწორი სუნთქვა, სინაზე და ა.შ. ყველა ეს ზემოჩამოთვლილი კი არც ისე დიდი დოზით აღმოჩნდა ჩემში : D მოკლედ მივხვდი რომ გვიანია და მოცეკვავე ვერ დადგება ჩემგან : )) მაგრამ მაინც ჩემსას ვისწორებ :)

ახლა კი მცირეოდენი ფოტორეპორტაჟი დღევანდელი გაკვეთილიდან : მთიულური

ესეც ცოტა ვიმაიმუნეთ - არ დამცინოთ :D

მინდა აღვნიშნო რომ ძალიან კარგი მასწავლებელი გვყავს, მოყვარულები ვართ , მაგრამ პროფესიონალურად გვასწავლის , არ ეზარება ჩვენთვის ერთიდაიგივე ილეთის ასჯერ ჩვენება და მოკლედ მუღამი აქვს რომ კარგად ვისწავლოთ. ასე რომ თუ ვინმეს გსურთ ფორუმზეც დავწერე და აქაც ვიტყვი რომ -შეგიძლიათ შემოგვიერთდეთ, არ ინანებთ!:)