დედაჩემის ნაძვისხე და ბავშვობის სათამაშოები

სიმართლე გითხრათ ნაძვისხის დადგმას საერთოდ არ ვაპირებდი, ან კი ვისთვის უნდა დამედგა- ყველაზე პატარა მე ვარ ოჯახში  ( მართალია პატარა ძმიშვილი მყავს , მაგრამ ერთი რომ აქ არ ცხოვრობს და მეორე ვეჭვობ მისი ნაძვისხესთან თავისუფლად მიშვება ნაადრევია). ჰოდა უცბად გუშინ საღამოს ჩემს არაქართველ მეგობრებს შობას რომ ვულოცავდი- ჩემშიც სადღესასწაულო განწყობა შემოიჭრა, დღეს დილას მოვაძებნინე დედაჩემს ნაძვისხე და სათამაშოები და ვუთხარი რომ საღამოს დავდგავდი.

მთელი დღე ამის გამო სახლში მომეჩქარებოდა და აი შემოვდგი სახლში ფეხი და რას ვხედავ- სახლი წვიმებით არის მორთული და ზალაში ნაძვისხე ანათებს : )

შემომეყარა გულზე მაგრამ რაღას ვიზამდი, დედაჩემს ყველაფერი უჩემოდ გაუკეთებია და თანაც თავის გემოვნებისამებრ : )

აი რას ნიშნავს მისი გემოვნება

მოკლედ ხედავთ რაც არის - ყველა სათამაშო ძველიც და ახალიც ზედ მიუბავს და რასაც ქვია დაუხუნძლია. ნუ რას ვიზამდი ერთი კი დავიწუწუნე რაამბავიათქო, მაგრამ მერე დავანებე თავი. თან ძველმა სათამაშოებმა ბავშობის მოგონებები აღმიძრა და გამახსენდა როგორ ვრთავდით მე ჩემი და და ჩემი ძმა ნაძვისხეს და როგორ ვუდებდით გვერდზე პლასტმასის თოვლისბაბუას , როგორ ვუმალავდით ნაძვისხის ძირს ბამბებით, როგორ ვაწებებდით ჭერში წვიმებს და როგორ ვაჭრელებდით მთელ სახლს ბუშტებით და ბრჭყვიალა რამე-რუმეებით. დაახლოებით ისე გამოიყურებოდა ჩვენი ნაძვისხეც , როგორც დედაჩემის : )

ეს ძველისძველი სათამაშოები შეიძლება უკვე ჩემი ხნისაც არიან :)

მოკლედ ასე მოირთო ჩემს სახლში ნაძვისხე უჩემოდ , მეც არც ვაციე არც ვაცხელე და რადგან ახალწელს მაინც აქ არ ვხდები და რადგან ძალიან მინდოდა დღეს ყოფილიყო ჩვენთანაც შობა და კიდე რადგან ვერ მოვითმინე - ავდექი და საახალწლო საჩუქრები გადმოვულაგე : ) ძალიან მოეწონათ.

ესეც ჩემი 25 დეკემბერი და სადღესასწაულო განწყობა :)