მჟავე კიტრი

ახლა უნდა ავდგე და ნერწყვების ყლაპვით მოვყვე როგორ მიყვარს, როგორ ვაღმერთებ და როგორ მინდება ხოლმე...
ვიცი რომ ერთადერთი არ ვარ და ჩემს უკან კიდევ არმიაა ზღვა ხალხის, რომლებიც ჩემნაერად ნატრობენ ხოლმე (ზოგი ნაბახუსევზე -ზოგიც ფეხმძიმობისას ზოგიც უბრალოდ ”მოსურვილებისას”) ასეთ მადისაღმძვრელ სანახაობას თავიანთ თეფშზე :)

ამ პოსტის წერისას მჟავე კიტრის წარმოშობის ისტორიას და დამჟავების მეთოდებსაც გადავხედე. ამ უკანასკნელზე ბევრს ვერაფერს გეტყვით - გარდა იმისა რომ ყველა ქვეყანაში სხვადასხვანაერად აკეთებენ - სხვადასხვა რაოდენობის წყალსა და მარილში ამწნილებენ- ასევე სხვადასხვა სუნელებით . ყველაზე ცნობილი  და გავრცელებული პოლონური დამჟავების მეთოდი ყოფილა.

საქართველოში მოგეხსენებათ ბოლო წლბში ბევრმა საწარმომ დაიწყო - მჟავე კიტრის კონსერვის(?) გამოშვება, თუმცა სიმართლე გითხრათ მე ჯერჯერობით ვერ ვისწავლე -რომელია კარგი. ხან ამართლებს -ხან არა. ყოფილა შემთხვევა რომ ისეთი ჩახარშული და ტკბილი შემხვედრია რომ -პირიც ვერ დამიკარებია. მე დედაჩემის გაკეთებულიც ძალიან მიყვარს - პატარა კიტრებს სპეციალურად ჩემთვის ამწნილებს ხოლმე :)

ჩვენთან მჟავე კიტრს არც ისე ბევრ სალათაში იყენებენ, მაშინ როცა უცხოეთში მას ფართო გამოყენება აქვს . ყოველშემთხვევაში ინტერნეტი სავსეა რეცეპტებით.
მე კი მინდა ერთი ჩემეული მჟავე კიტრის სალათის რეცეპტი გაგიზიაროთ:
საჭირო ინგრედიენტებია:
მჟავე კიტრი
მოხარშული კარტოფილი 
პამიდორი
ხახვი
ზეთი
მარილი
პირპილი ან წიწაკა ან ორივე
ამ ყველაფერს წვრილად დაჭრილს და ზომიერი რაოდენობით - ერთმანეთში ვურევთ და სალათი მზადაა.

მე ძალიან მომწონს - იმედია თქვენც მოგეწონებათ თუ გასინჯავთ :)
ჩემი სალათის ფოტოები არ მქონდა , მაგრამ ინტერნეტში ვიპოვე რაღაც მსგავები :

მე მჟავე კიტრის ფანი ვარ - შენ?