what's good for you?

ძალიან საინტერესო პარაგრაფს წავაწყდი ჩემს ინგლისურის წიგნში ”So you think you know what's good for you?" და მომინდა რამდენიმე მათგანი თქვნთვისაც გამეზიარებინა:


ქორწინებაში ყოფნა

რატომღაც ყველა ასე თვლის საქართველოშიც და უცხოეთშიც რომ -დაქორწინების მომხრე და ქორწინებაში ყოფნა უფრო ქალის მოთხოვნა/მოთხოვნილება/მოწოდება თუ სურვილია, როგორც გინდათ ისე დაარქვით. არადა მეცნიერების გამოკვლევების შედეგად თურმე ნუ იტყვით და ქორწინებაში კაცი უფრო მეტად პოულობს ბედნიერებას ვიდრე ქალი (საქართველოში არ ვიცი). გამოკვლევებმა აჩვენეს რომ ქორწინებაში მყოფი კაცი ბევრად ბედნიერია ვიდრე მარტოხელა და აგრეთვე დამტკიცდა რომ მათ ნაკლებად აწუხებთ ჯანმრთელობის პრობლემები განსაკუთრებით ფსიქიკური თვალსაზრისით.

ყავა&ჩაი

ჩემთვის ცნობილი იყო და ამას საკუთარი მაგალითიც ადასტურებდა რომ : ყავა პულს აჩქარებს ,მაგრამ ნამდვილად არ ვიცოდი რომ მას შეიძლება აგრესიული გაეხადა ადამიანი. მეცნიერებმა ჩაატარეს ცდა და თაგვი, რომელიც ყოველდღიურად იღებდა ყავას - ძალიან აგრესიული გახდა :)
ჩაი კი პირიქით- თურმე ნუ იტყვით და ამცირებს გულის შეტევის რისკებს და რაც მთავარია ძილშიც არ გვიშლის ხელს .

სერიალები

და ბოლოს იცოდით რომ სერიალების მაყურებელი ადამიანები გაცილებით ბედნიერად გრძნობენ თავს ვიდრე სერიალის მოძულეები? დიახ ბატონო, ესეც გამოკვლევებმა აჩვენეს თურმე. ფსიქოლოგების აზრით სერიალის მაყურებელს ბედნიერს ხდის წარმოსახვითი მეგობრები და ის შეგრძნება , რომ იგი მიეკუთვნება რაღაც ”გაერთიანებას”,”საზოგადოებას” .

თუ ამ პრინციპით ვიმსჯელებთ  ჩვენ ყველანი ძალიან ბედნიერები ვართ რამეთუ უამრავ სოციალურ ქსელებს  და ათასგვარ გაერთიანებებს მივეკუთვნებით.
ჩემი ბლოგერობაც ხომ ამის დადასტურებაა :)