ყველაფერი უკეთესობისკენ მიემართება?!

არავინ იცის, თუმცა ერთი კი ცხადია - ყველანი ”უკეთესის” მოლოდინში ვართ და ყოველ დადებით სიახლეს სასიამოვნოდ ვეპოტინებით . მე ასე ვარ ყოველშემთხვევაში:

აი გაზაფხულიც მოვიდა, მერე რა რომ ჯერ ისევ არ თბილა და მზიანი ამინდის და სითბოს მოლოდინში თხლად ვიცვამ და ვიყინები. სამაგიეროდ ვიცი , მალე ისე დაცხება , რომ პირდაპირ მოკლემკლავიანზე გადავალ. მერე რა- ჩვენ ხომ მიჩვეულები ვართ რადიკალურ ნახტომებს...

თითქოს ვერ ვამჩნევ , არადა ბევრი რამ იცვლება ირგვლივ. მერე უცბად და ერთბაშად დავფიქრდები ხოლმე და ყველაფერს რომ გავიაზრებ - ჩემს თავს ვეუბნები ვაა, ხედავ ქეთევან ჩემო სადამდე მივედით? მიკვირს, გულწრფელად მიკვირს რაღაცეები ჩემს ირგვლივ და ჩემშიც.
რა მიკვირს :

• * მიკვირს ის ფაქტი რომ ჩემი და და ჩემი საუკეთესო მეგობარი მალე დედები გახდებიან. უცნაურია აბა რა არის -გუშინ უდარდელად დავსეირნობდით და გაზაფხულის სურნელით ამჩატებულები ათასგვარ მომავალ თავგადასავლებსა თუ ცხოვრებისეულ ფილოსოფიებზე ვსაუბრობდით , დღეს კი სრულიად სხვა რეალობაა , გაცილებით ”დიდური” .
• * მიკვირს ის , რომ რაზეც ვფიქრობდი , რომ არასდროს დამემართებოდა თითქოსდა სწორედ ის მემართება , განსაკუთრებით გრძნობებსა და ურთიერთობებს ეხება...
• *მიკვირს (სასიამოვნოდ) , რომ მოგზაურობების და ბავშვების გაჩენის წელია ( წინა წელი ქორწინებების იყო)

მოკლედ რომ ვთქვათ ბევრი რამე მიკვირს ჩემს ირგვლივ -ჩემში კი ის რომ-ვერ შევეჩვიე ჯერ კიდევ ამ ცვლილებებს!

რა მომიტანა გაზაფხულმა, გარდა უეცარი გაკვირვებებისა?
1.ონლაინშოპინგომანია

2.ბილეთი გერმანიაში

ორივე კარგია, ორივე სასარგებლო და ორივე ხარჯიანი : )

ცხოვრება მიდის და მეც შეძლებისდაგვარად მივყვები ცოტა გაკვირვებული , მაგრამ მაინც : )
იმედი მაქვს რომ ყველაფერი უკეთესობისკენ მიემართება!