მოგზაურობა დროში: ქართული ხელნაწერები

პოსტი ეძღვნება ქართულ ენასა და დამწერლობას.
ქართული ენის დღეს , 14 აპრილს ამ ღონისძიებასთან დაკავშირებით ქართული ხელნაწერების ეროვნულ ცენტრში გახლდით. ღონისძიების შემდეგ ცენტრის დირექტორმა , ძალიან კარგმა ადამიანმა და თავისი საქმის პროფესიონალმა ბუბა კუდავამ ( უნივერსიტეტში ჩემმა ისტორიის ლექტორმა) უძველესი ხელნაწერების საცავში შეგვიყვანა და ჩვენი ”სიმდიდრე” დაგვათვალიერებინა. რათქმაუნდა არ დაგვზარდა და თითოეული წიგნის და ხელნაწერის ისტორიას დაწვრილებით მოგვიყვა.

მე კი ბევრი საინტერესო რამ გავიგე, მაგრამ ბევრი რამ ვერ დავიმახსოვრე და ვერც მოგიყვებით. ფოტოებს შემოგთავაზებთ და გირჩევთ აუცილებლად წახვიდეთ და საკუთარი თვალით ნახოთ ეს ყველაფერი.

ალავერდის სახარება (XIს)

მარჯვნივ-წყაროსთავის სახარება (XII)

მარცხნივ გელათის სახარება (XIIს)

ყველაზე პატარა წიგნი

 ყველაზე წვრილი ხელნაწერი

ყველაზე დიდი წიგნი

ვეფხისტყაოსანი

ასტროლოგიური ტრაქტატი

თუ არ ვცდები სოლომონ II-ის სახელმწიფო დოკუმენტი

ასევე ერეკლე II -ის

და თამარ მეფის ერთადერთი შემორჩენილი ხელნაწერი

ხელნაწერთა ეროვნულ ცენტრში კიდევ ბევრი საინტერესო დოკუმენტი ინახება, მათ შორის არაქართული ხელნაწერები, ისტორიული დოკუმენტები თუ მეცნიერებისა და საზოგადო მოღვაწეების არქივები.

ამდენ საინტერესო ხელნაწერებს, წიგნებს, დოკუმენტებს და მათ ისტორიებს ნამდვილად არ ველოდი. სიძველის სუნმა და თითოეულმა ამბავმა თითქოს წინა საუკუნეებში მამოგზაურა და კიდევ ერთხელ მიმახვედრა ქართული კულტურისა და ენის უნიკალურობას (რაოდენ პათეტიკურადაც არ უნდა ჟღერდეს)

http://www.manuscript.ge/ ხელნაწერთა ეროვნული ცენტრი
ხელნაწერთა ეროვნული ცენტრი
თბილისი, მერაბ ალექსიძის ქ. 1/3