2012

გამარჯობა ჩემო ბლოგო!
2012–ში არ შევხვედრილვართ და აი მხოლოდ ახლაღა დადგა ის ნანატრი წუთი.

ვფიქორბ ეს წელი , ისეთივე იქნება როგორიც სხვა დანარჩენი: ბევრი ცუდის და ბევრი კარგის მომტანიც. ყოველშემთხვევაში ჯერ მწარე პირი უჩანს და მე იმედი მაქვს რომ ბოლოში გატკბილდება.

ვარ უმუშევარი!
და
ვეძებ სამსახურს!

მპოვნელი დასაჩუქრდება.

მანამ კიდევ სანამ რამეს ვიპოვი ამ უბადრუკ ქვეყანაში წიგნების კითხვითა და ქსოვა–კერვით ვირთობ თავს და ვცდლობ არ გადავეშვა დეპრესიის უძირო მორევში.

• რას ვკითხულობ:

იანვარი: ჰარუკი მურაკამი: ნადირობა ცხვარზე.
თებერვალი: ორჰან ფამუქი– მე მქვია წითელი.
მარტი: იუსტაინ გორდერ– იგეგმება :სარკეში მქრქალად ( დღეს ვიწყებ), ხორხე ლუის ბორხესი– ქვიშის წიგნი.
ამათთან ერთად საჩუქრად მივიღე : Kindle Touch და პატარ–პატარა მოთხრობებს იქაც ვკითხულობ ინგლისურად.

• რას ვუყურებ:

 სერიალებს, რომლებიც თავიდან ინგლისურის სავარჯიშოდ დავიწყე და შემდეგ ასე თუ ისე ჩამითრია:

• სად დავდივარ

ძირითადად ვარჯიშზე: აქ
ვერთობი, გულს ვაყოლებ და სხეულს ვიმკვრივებ.

• რას ვაკეთებ ინტერნეტში

ძირითადად დავეხეტები დიზაინის საიტებზე, ვათვალიერებ და რაღაც–რაღაცეებს ვდებ – ჩემს ახალ ბლოგზე: ბოჰემური იდეების კიდობანი . ბლოგთან დაკავშირებით იდეები ბევრი მაქვს, მაგრამ საქართველოში რამდენად განხორციელებადი ვერ გეტყვით. სახელი პირობითია: უფრო კრეატიული იდეების კიდობანი შეეფერება, მაგრამ ბოჰემა უფრო კარგად ჟღერს ჩემთვის . ამ ბლოგზევე იხილავთ ზემოთნახსენებ ქსოვა–კერვის შედეგებს :)

• რა მინდა

მინდა სამსახური, მინდა ხელფასი, მინდა კარგი ამინდი და მინდა "კარგი ცხოვრება"!

ყველას ბედნიერ წელს და თქვენი სურვილების ასრულებას გისურვებთ!