თავდაჯერებულობა

ბოლო დღეებია უამრავ აუდიო წიგნსა თუ სპიკერების გამოსვლებს ვუსმენ მიზნების დასახვა–შესრულებაზე, მოტივაციისა და თვითდაჯერებულობის გაზრდაზე. ვერ გეტყვით რომ რამე ისეთი გავიგე , რაც აქამდე არ ვიცოდი, უბრალოდ ეს ადამიანები თავიანთი ოპტიმისტური განწყობითა და წარმატებული მაგალითებით – უფრო მეტ მოტივაციას მიჩენენ და ახალ ენერგიას მაწვდიან უფრო მეტად მოვინდომო და წავიწიო ჩემი მიზნებისკენ. 

დღეს სპიკერისა და უამრავი წიგნის ავტორის Brian Tracy– აუდიო წიგნს The Science of Self-Confidence მოვუსმინე და თქვენც მინდა გაგიზიაროთ რამდენიმე მნიშვნელოვანი საკითხი , რაც ამ წიგნიდან დამამახსოვრდა.


ბრაიან ტრეისი გვეუბნება რომ იმისათვის რომ გახდე თავდაჯერებული, წარმატებული და მიაღწიო მიზნებს , საჭიროა შემდეგი ოთხი რამ
( 4 C)

Clarity/გამჭირვალობა, სიცხადე – იცოდე ზუსტად როგორი ადამიანი გინდა იყო და რა გსურს.
Conviction/რწმენა,დაჯერებულობა – დაიჯერო რომ ყველაფრის გაკეთება შეგიძლია, რასაც კი მოინდომებ.
Commitment/ ერთგულება, თავდადება– სურვილი რომ გააკეთო ყველაფერი, რაც საჭიროა
Consistency:/თანმიმდევრობა, მუდმივობა, ურყევობა– იყო თანმიმდევრული და ძლიერი, რათა ყოველდღიურად აკეთო გარკვეული რაღაცეები, სანამ მიზანს არ მიაღწევ.

იმისათვის რომ უკეთ გაიგო ვინ ხარ და რა გინდა საჭიროა საკუთარი ფასეულობების ჩამოყალიბება და თანმიმდევრობის მიხედვით დაწერა. ხოლო შემდეგ კი ამ ფასეულობების მიყოლა და არავითარ შემთხვევაში გადახვევა. ფასეულობები უნდა იყოს  მკაფიოდ ჩამოყალიბებული და ადვილად გასაგები, მაგალითად როგორიცაა : ოჯახი, კარიერა, მეგობრები, ჯანმრთელობა და ა.შ.
მყარი თვითდაჯერებულობა მმოსდევს ფასეულობების მკაცრად მიყოლას და არასდროს გადახვევას. თუ კი ოჯახს დააყენებ კარიერაზე წინ , მაშინ რაც არ უნდა შეხვედრა გქონდეს , მაინც უნდა წახვიდე შვილის ბაღის ზეიმზე . ეს მოგცემს საშუალებას გჯეროდეს საკუთარი თავის და იცოდე რომ საკმარისად ძლიერი და პრინციპული ხარ. მეორენაერად ბრაიან ტრეისი ამას ეძახის "სიმართლეში ცხოვრებას"– იცხოვრებ სიმართლეში– ანუ არასდროს მოიტყუები, ყოველთვის თვალს გაუსწროებ რეალობას ისეთს როგორიც არის. არასდროს იქნები სიტუაციაში , სადაც არ გინდა ყოფნა. არასდროს არ წახვალ კომპრომისსზე შენს ფასეულობებთან.
მხოლოდ ამ შემთხვევაში იქნები ჰარმონიასთან საკუთარ თავთან , ფასეულობებთან და მიზნებთან.

მისი აზრით ასევე მნიშვნელოვანი საფეხურია  მიზნების დასახვა. ყველა ადამიანს გვხიბლავს და გვიზიდავს "კომფორტული ზონა"– სადაც წყნარად ვართ , ზედმეტი ძალისხმევა არ გვჭირდება, მაგრამ სამწუხაროდ, ეს კომფორტი გვადუნებს და მივყავართ მოწყენილობასთან , საბოლოოდ კი სასოწარკვეთილებასთან.
სწორედ იმისათვის რომ არ მოვდუნდეთ  უნდა დავისახოთ უფრო რთული მიზნები.
უნდა წარმოიდგინო რომ არავითარი შეზღუდვა არ გაქვს არც დროში, არც ფულში არც განათლებაში და მხოლოდ ამის მერე უნდა ჩამოვწეროთ თუ რას გვინდა რომ მივაღწიოთ. მიზნების სირთულე ენერგიის მოცემასთან ერთად უფრო მეტად თვითდაჯერებულსაც გგვხდის.

თუ დაგაინტერესებთ სრულ აუდიოწიგნს შეგიძლიათ მოუსმინოთ აქ