პოზიტიური ფიქრი

ნეგატიური ფიქრი, ნეგატიური განწყობა , ნეგატიური სიტყვები  ადამიანს სტრესში აგდებენ და დეპრესიისაკენ მიაქანებენ. ფსიქოლოგები გვირჩევენ რომ იმისათვის რომ ბენდიერი ვიყოთ აუცილებელი პირობაა შევცვალოთ ჩვენი დამოკიდებულება სამყაროსადმი, ადამიანებისადმი და პირველ რიგში საკუთარი თავისადმი.
თურმე უარყოფითი ნაწილაკ "არა"–ს ჩვენი ცნობიერება საერთოდ ვერ აღიქვამს. წარმოიდგინეთ წიგნი – გვითხრა ერთ–ერთ ლექციაზე ჩემმა კომუნიკაციის ლექტორმა, ახლა არ წარმოიდგინოთ წიგნი. ეს შეუძლებელია ! ასე რომ საკუთარ თავს და სხვებსაც მხოლოდ დადებითი სიტყვებით უნდა ვესაუბროთ. წარმოუდგენელია მაგალითად ბავშვს გააგებინო "არ შეიძლება" – მას ნაწილაკი "არ" საერთოდ არ ესმის. ამიტომ ნაცვლად იმისა რა არ შეიძლება – უნდა ვუთხრათ თუ რა შეიძლება.
მე იმისაც მჯერა რომ რაც უფრო ნეგატიურ ენერგიას გააგზავნი ამ სამყაროში მით უფრო  ნეგატიური ენერგია დაგიბრუნდება. მგონია რომ ეს უბრალოდ ბუნების კანონია.
ეს პატარა შესავალი იმისთვის გავაკეთე რომ
დამერწმუნებინეთ პოზიტიურად ფიქრის აუცილებლობაში. ახლა კი მინდა რამდენიმე სასარგებლო რჩევა გაგიზიაროთ , რომელიც დაგეხმარებათ დადებითი განწყობა შეინარჩუნოთ ყოველდღიურად და თავი ბედნიერად იგრძნოთ.

1. საუბრისას გამოიყენე მხოლოდდამხოლოდ დადებითი სიტყვები: მაგალითად იმის მაგივრად რომ თქვათ რაღაც "არ შეგიძლიათ" – დაარწმუნეთ თქვენი თავი რომ თქვენ ამას შეძლებთ რადაც არ უნდა დაგიჯდეთ.
2. განდევნეთ ყველა ფიქრი , რომელიც არ არის პოზიტიური: არ მისცეთ საშუალება ნეგატიურ ფიქრებს დაგიპყრონ და ხასიათი გაგიფუჭოთ.
3. ხშირად გამოიყენეთ სიტყვები, რომლებიც აღვიძებენ სიძლიერესა და წარმატების შეგრძნებებს.
4. გააკეთეთ პოზიტიური ფიქრის სავარჯიშოები, მაგალითად ხშირად უმეორეთ თქვენ თავს "მე ვიმსახურებ სიყვარულსა და ბედნიერებას"და ეცადეთ დაიჯეროთ.
5. დაიჯერეთ რომ აუცილებლად მიაღწევთ წარმატებას.
6. ყოველთვის გაანალიზეთ რატომ არ გამოგივიდათ და რა შეცდომა დაუშვით– ეს თავიდან აგარიდებთ მომავალ შეცდომებს.
7. დააფასეთ და შეაქეთ საკუთარი თავი . ხშირად ჩვენ კონცენტრაციას ვახდენთ იმაზე თუ რა არ გამოგვდის კარგად და არასდროს ვამახვილებთ ყურადღებას იმაზე თუ რა გამოგვდის.
8. აპატიე საკუთარ თავს შეცდომები და ეცადე გზა განაგრძო.
9. გახსოვდეს რომ შეიძლება უარესადაც ყოფილიყავი. რაც არ უნდა ცუდად გქონდეს საქმე ამ მომენტში , მაინც მადლიერი იყავი ყველაფერი კარგის გამო რაც შენს ცხოვრებაშია.
10. შეაფასე მომხდარი ცუდი რამე როგორც შესაძლებლობა რაღაც ახლისა და კარგის. მაგალითად თუკი სამსახურიდან გამოგაგდეს ჩათვალე რომ მოგეცა შანსი საკუთარი ბიზნესი დაიწყო ან უკეთესი სამსახური იშოვო.
11. იმუშავე ვიზუალიზაციაზე: ეცადე წარმოიდგინო ვინ გინდა იყო და რას გინდა აკეთებდე, როგორი ცხოვრება გინდა გქონდეს.
12. შეადგინე გეგმა თუ როგორ უნდა გადმოიტანო შენი ვიზუალური წარმოდგენები რეალურ ცხოვრებაში.
13. ჩამოწერე მიზეზები თუ რატომ იმსახურებ იმას, რასაც გინდა რომ მიაღწიო.

ეს , რაც ახლა წაიკითხეთ მხოლოდ ზოგადი ნაწილია პოზიტიურად ფიქრის სასწავლო რჩევებიდან, დანარჩენი კონკრეტულ სფეროებს სამსახურს, ოჯახსა და ყოველდღიურ ცხოვრებას ეხება და მათაც აუცილებლად გადმოვთარგმნი ნელნელა მანამდე კი ყველამ ერთად ვეცადოთ ზემოთ ჩამოთვლილი რჩევების განხორციელება.